Sot është zhvilluar dita e dytë e Konferencës së Sigurisë në Munih, ku po marrin pjesë krerët e më shumë se 40 vendeve të botës, përfshirë edhe Kosovën.
Kryeministri Albin Kurti, përmes një postimi në Twitter, ka bërë të ditur se ka takuar anëtarët e Bundestagut, Patrick Sensburg, Tobias Lindner, Fritz Felgentreu, Jürgen Hardt dhe Ralph Brinkhaus.
Pas takimeve Kurti deklaroi se Gjermania është një aleat dhe përkrahës i shkëlqyeshëm i Kosovës.
“Ditën time të fundit në #MSC2020 kam pasur takime të këndshme me anëtarët e Bundestagut. Gjermani është një aleat dhe përkrahës i shkëlqyeshëm. Ata patën urimet më të mira për qeverinë tonë të re dhe ofruan mbështetjen e tyre”, ka shkruar Kurti në Twitter.
On my last day at #MSC2020 I had pleasant meetings with members of @Bundestag @PatrickSensburg, @tobiaslindner, @fritzfelgentreu, @juergenhardt & @rbrinkhaus. #Germany is a great ally & supporter of Kosova. They extended best wishes for our new government & offered their support. pic.twitter.com/wHoihh7XKo
— Albin Kurti (@albinkurti) February 16, 2020