Me ‘sovranitetin’ kryefjalë, Kryetari i Vetëvendosjes, Albin Kurti, u ka kërkuar “500 mijë zemra (lexo: vota)” fushëkosovasve në një tubim zgjedhor.
Kurti po ashtu foli për “zhvillimin ekonomik” në terma të vet shifror të përzgjedhur dhe kanalizuar vetëm në anët supozivisht pozitive.
“Gjatë këtyre katër viteve si qeveri i kemi shtuar vendit zhvillimin ekonomik, sigurinë, kujdesin social dhe kemi shtrirë sovranitetin në tërë territorin e Republikës së Kosovë”, ka thënë Kurti, siç e citoi “Vetëvendosja”.
“Nuk ka pasur familje që nuk e ka ndjerë dorën ndihmëse të shtetit gjatë mandatit”, ka thënë ai.
