Kryeministri Albin Kurti gjatë qëndrimit të tij në konferencën e Partisë së Socialistëve Evropianë (PES) në Bukuresht, i ka ftuar të pranishmit që ta mbështesin vendin tonë në rrugëtimin drejt Këshillit të Evropës, veçanërisht në votimin e radhës më 16 prill në Asamblenë Parlamentare.
“Teksa jemi dy muaj para zgjedhjeve evropiane, ky takim kishte rëndësi madhore për fuqizimin e bashkërendimit mes nesh”, ka vlerësuar kryeministri Kurti.
Ai ka shpalosur detaje nga vizita e tij në Rumani.
“Qëndrimin në Rumani, e kaluam edhe në shoqërinë e dy përfaqësuesve të mërgatës shqiptare të Rumanisë: zëvendëskryetarin e Shoqatës “Lidhja e Shqiptarëve të Rumanisë” (ALAR) Luan Topçiu, dhe doktorin për shkencat dhe inxhinierinë e metalurgjisë, Përparim Demi”, njofton Kurti.
“Para kthimit në Kosovë, takova dhe ambasadoren e Shqipërisë në Rumani”, vijon më tej kryeministri.
Postimi i tij i plotë: