Kryeministri i Republikës së Kosovës, Albin Kurti u pat akuzuar për përzierje në zgjedhjet lokale në Preshevë, madje duke u thënë se po e mbështet këshilltaren e tij, Ardita Sinani.
Dhe këtë veçse po e konfirmon shefi i qeverisë kosovare. Kjo pasi, siç bëri të ditur vetë ai, mirëpriti sot kryetaren e re të Preshevës, së cilës i duhet koalicioni për të qeverisur e siguruar shumicën në kuvend, përcjell Paparaci.
“E urova për fitoren bindëse dhe e përgëzova për suksesin e arritur. Krahas punës që po vazhdon në njësinë zgjedhore në Leran të Preshevës, meqë aty do të ketë rivotim të enjten e javës që po vjen, Arditën tani e pret një punë tjetër e rëndësishme për ndërtimin e një koalicioni të fortë për një qeverisje të qëndrueshme e në shërbim të qytetarëve. Për këtë të fundit më njoftoi se tashmë ka filluar angazhimin e saj të plotë e të sinqertë”, shkroi ndër tjerash ai.
