Sot kanë nisur punimet për renovimin e një zone në fshatin Hajnoc të Kamenicës, banorët e së cilit kishin kërkuar rregullim të një ure për të lehtësuar qarkullimin e tyre.
Për realizimin e këtij projekti, Komuna e Kamenicës ka ndarë mbi 85 mijë euro.
Inaugurimi i punimeve, u shënua me një ceremoni ndërsa tejet të ngazëllyer janë parë sot prezentë duke vënë gurthemelin e kësaj ure, kryeministri, Albin Kurti, ministri për Komuntete dhe Kthim, Nenad Rashiq dhe kryetari i komunës së Kamenicës, Kadri Rahimaj.
Kurti, shihet tejet buzagaz ndërsa vendosin materialin e ndërtimit të kësaj ure, bashkë me ministrin, Nenad Rashiq.
Ura, e cila shihet edhe në fotografi, kalon mbi lumin Morava dhe lidh fshatin Hajnoc me qytetin e Kamenicës dhe fshatrat tjera.