Kryeministri i vendit, Albin Kurti, bashkë me ministrin e Mbrojtjes, Ejup Maqedoncin, kanë udhëtuar për në Varshavë të Polonisë.
Bëhet e ditur se Kurti e Maqedonci do të marrin pjesë në Forumin e Varshavës për Siguri 2024.
“Në kuadër të Forumit, kryeministri Kurti sot do të mbajë një fjalim mbi temën ‘Fokusohuni në Ballkanin Perëndimor: lidhja e Gjeopolitikës dhe Integrimit Evropian’”, thuhet në njoftimin e qeverisë.
Tutje, në njoftim thuhet se gjatë qëndrimit në Varshavë, kreu i qeverisë do të zhvillojë takime bilaterale dhe do të takohet edhe me mërgatën e Kosovës në Poloni.