Ismajl Kurteshi i Vetëvendosjes edhe sot ka vazhduar polemikën me Dardan Molliqajn. Kurteshi në një postim në Facebook ka dhënë disa sqarime për publikimet e tij të javës së kaluar.
Kurteshi ka shkruar se nuk e ka kontestuar vizitën e Molliqajt në VV, të cilat zakonisht bëhen në koordinim me Kryesin ose Sekretariatin e Përgjithshëm.
Ai ka thënë se do të përshëndeste nëse Molliqaj do të kandidonte për kryetar të VV-së dhe do të angazhohej që të krijonte kushte të barabarta për dy kandidatët.
Ja postimi i plotë i Kurteshit:
Dy sqarime
Dy komunikimet e mija publike gjatë javës së kaluar, nga disa interpretues u keq interpretuan kurse nga disa lexues dhe ndonjë interpretues mund të jenë keqkuptuar prandaj e konsideroj të nevojshme që t’i bëjë sqarimet në vijim:
- Me 14 janar fjala ime drejtuar anëtarëve të Këshillit të Qendrës së Prishtinës nga disa media u interpretua si “kërcënim”, përkundër faktit që as në tekst e as në nëntekst as një fjalë nuk paraqet kërcënim. Në fund të fundit fjala ime është incizuar nga mjetet e informimit që e përcillnin at ngjarje, do të ishte mirë që ata të cilët fjalimin tim e kanë vlerësuar si kërcënues t’ia shpjegojnë publikut se ku e bazojnë këtë cilësim, përndryshe cilësimi i tillë mbetet i pa argumentuar e nga ndonjëri nga ata ndoshta edhe tendencioz.
- Me 18 janar, pas ankesave të disa aktivistëve të Vetëvendosjes se deputeti dhe anëtari i Lëvizjes Vetëvendosje, z. Dardan Molliqaj, po i takon strukturat në disa Qendrave të Vetëvendosjes dhe në këto takime po fol për ndarjen e Vetëvendosjes dhe themelimin e një partie të re. Bazuar në përgjegjësit që aktualisht i kam në Lëvizjen Vetëvendosje kam menduar se është obligim i imi zyrtar të reagoj.
Në reagimin tim unë në asnjë mënyrë nuk e kamë kontestuar vizitën e z. Molliqaj në qendrat e Lëvizjes Vetëvendosje, edhe pse në Lëvizje aktivitetet zakonisht bëhen në koordinim me Kryesin ose Sekretariatin e Përgjithshëm.
Unë nuk e kam kontestuar as debatin me aktivist e as mendimin e tij kundër në çfarëdo situate.
Unë do ta kisha përshëndetur edhe kandidimin e z. Molliqaj për Kryetar të Lëvizjes Vetëvendosje dhe sigurisht do të isha angazhuar që t’i krijojmë kushte plotësisht të barabarta me kundër kandidatin e tij gjatë fushatës zgjedhore dhe do ta respektoja deri në maksimum të drejtën e secilit përkrahës të tij në fushat, po të kishte kandiduar edhe ai.
Unë do ta quaja legjitim edhe angazhimin e tij për themelimin e një subjekti të ri politik si dhe përpjekjen e tij që t’i bind aktivistët e Vetëvendosjes që t’i bashkohen subjektit të tij, por vetëm pasi të ishte larguar nga Vetëvendosja.
Unë e kam quajtur dhe vazhdoj ta quaj ilegale, (kundër statusore), përpjekjen e tij që t’i ndaj nga Vetëvendosja aktivistët tanë derisa ai është anëtar i Lëvizjes, sepse kjo nuk është as statusore dhe as e moralshme.
- Molliqaj e ka mundësin që të veproj nën çatinë e vjetër ose ta ndërtoj një të re, kjo varet prej tij, ajo që unë po kërkoj nga ai është respektimi i Statutit, në hartimin e të cilit kontribuoj edhe ai vet, deri sa deklarohet se është anëtar i Lëvizjes Vetëvendosje.
Ismajl Kurteshi