Personat me aftësi të kufizuar e konsiderojnë veten si më të diskriminuarit. Ata thonë se vet shteti është duke i diskriminuar kur nuk iu krijon infrastrukturën për lëvizje të lirë. Pikërisht mungesa e kësaj të fundit thonë se po ndikon edhe në punësimin e tyre, pasi qasjen e kanë të pamundur.
Drejtori i organizatës “Handikos”, Afrim Maliqi, tha për KosovaPress se të gjitha qytetet e vendit janë të papërshtatshme për lëvizjen e personave me aftësi të kufizuara, si shembull ai mori stacionet e autobusëve.
I pakënaqur me infrastrukturën e qytetit të Prishtinës dhe pagat e ulëta nga shteti është edhe Faruk Kukaj, person me aftësi të kufizuara, i cilit thotë se nuk ka asnjë rrugë në kryeqytet ku mund të lëvizë lirshëm.
Ramush Gashi, vajza e të cilit është me aftësi të kufizuara, ankohet për infrastrukturën, duke bërë apel për institucionet që të bëjnë më të lehtë jetën e kësaj kategorie shoqërore.
Mungesa e infrastrukturës adekuate po penalizon personat me aftësi të kufizuara edhe që të punësohen.
Maliqi nga “Handikos” u shpreh se përkundër që ka një shpresë më të madhe për punësimin e personave me aftësi të kufizuara, mungesa e infrastrukturës e vështirëson tej mase dëshirën e këtyre personave për të punuar.
Ai thotë se edhe në institucione si Kuvendi i Kosovës dhe ndërtesa e Qeverisë së Kosovës nuk kanë kushte për persona me aftësi të kufizuara.
Nga viti 2009, Kosova ka një ligj të veçantë që obligon çdo institucion publik dhe privat që me kushte të përshtatshme të punësoj një person me aftësi të kufizuar në çdo 50 punëtorë.
Mbishkrime me mesazh urrejtës ndaj komunitetit LGBTI+ në oborrin e Bibliotekës
Read more