Një gjykatë në Moskë ka dënuar aktivistin e opozitës Vladimir Kara-Murza me 25 vjet burg, në një nga rastet më të rënda deri më sot të një disidenti rus të burgosur për kundërshtimin e pushtimit rus të Ukrainës.
Kara-Murza, baba i tre fëmijëve që ka nënshtetësi ruse dhe britanike dhe ka studiuar në Universitetin e Kembrixhit, u arrestua në prill 2022 dhe u akuzua për përhapjen e informacionit të rremë në lidhje me ushtrinë ruse në Ukrainë.
Ai u akuzua më vonë edhe për “tradhti të lartë” për një seri fjalimesh publike që ai bëri, të cilat kritikonin politikat e Kremlinit dhe luftën në Ukrainë.
Vendimi i Kara-Murza është dënimi më i gjatë që i është dhënë një kundërshtari politik të Vladimir Putinit, teksa Kremlini rrit më tej goditjen e tij të pamëshirshme ndaj disidencës.
Në një fjalim në gjykatë javën e kaluar, Kara-Murza foli me një ton sfidues, nuk pranoi t’i kërkonte gjykatës ta lironte atë dhe tha se i qëndronte gjithçkaje që kishte thënë.
“Unë fajësoj veten vetëm për një gjë,” tha Kara-Murza, 41 vjeç.
“Nuk arrita të bindja mjaftueshëm nga bashkatdhetarët dhe politikanët në vendet demokratike për rrezikun që regjimi aktual i Kremlinit paraqet për Rusinë dhe për botën”./PrishtinaPress/