Fati më nuk kryen punë. Xhudistja Majlinda Kelmendi ka tejkaluar nivelin ku fati i mirë e ndihmon të fitojë garat
Trajneri i saj, Driton Kuka, thotë se gjithçka varet nga forma. E nëse, sipas tij, Majlinda është në 80 për qind të formës së saj në ditën e garës, atëherë ajo do të shpallet kampione në Lojërat Olimpike “Rio 2016”. E nëse kjo shkon në 90 për qind, atëherë do të shkelë gjithçka para vetes.
“Nëse Majlinda është në 80 për qind të vetvetes, ajo do të bëhet kampione olimpike. Xhudistet e tjera e kanë dëshmuar se nuk janë rivale të denja”, tha trajneri që ka fituar gjithçka, pos medaljes olimpike. Këtë nuk e ka fituar as nxënësja e saj, Majlinda. Por më 7 gusht, pritet që kjo të ndodhë. Shkruan KD Xhudistja kosovare është favoritja kryesore për të ngadhënjyer në kategorinë deri në 52 kilogramë.
