Donald Trump dje u bë Presidenti i 47-të i Shteteve të Bashkuara të Amerikës.
Fitorja e tij nuk do të ndikojë vetëm në shtetin që do ta drejtojë nga janari, por në gjithë botën.
Por, si do të jetë me Kosovën?
Adrian Shtuni, ekspert i politikës së jashtme dhe sigurisë më bazë në Uashington, thotë se kthimi i tij në Shtëpinë e Bardhë nuk do të sjellë ndonjë ndryshim të madh karshi politikes së deritashme amerikane për Kosovën.
Shtuni thotë për REL se në raportet me Kosovën, SHBA-ja do të këtë një përqendrim më të madh në çështjen e dialogut mes Kosovë dhe Serbisë, duke mos përjashtuar rritjen e presionit për përfundimin e procesit të dialogut në Bruksel.
