Njëri prej ish-udhëheqësve të LDK-së, Eqrem Kryeziu, ka ironizuar me deklaratat e kryeministrit Isa Mustafa, i cili ka thënë se do ta luftojë korrupsionin. Këtë deklaratë shefi i Qeverisë e ka thënë para Zëvendëspresidentit amerikan, Joe Biden.
Eqrem Kryeziu, përmes një postimi në Facebook, duke ironizuar ka treguar një dialog të fqinjëve të tij rreth zotimit të Kryeministrit për të luftuar korrupsionin.
Postimi i plotë i Kryeziut:
“Absurdi me “A” të madhe
– Kush qenka ky burrë shteti që i premton Mikut të Madh të Kosovës se do ta luftojë korrupsionin? – e pyeti një i huaj një fqinjin tim.
– Është personazhi i 72 dosjeve për korrupsion, – u përgjigj fqinji dhe vazhdoi të rrufiste qetë-qetë kafenë e përditshme.