Kryetari i Ulqinit, Genci Nimanbegu, ka ftuar qytetarët që të vazhdojnë protestën nesër kundër privatizimit të Plazhit të Madh, përmes një mesazhi video. Ai theksoi se Kuvendi i Malit të Zi do të vazhdojë nesër seancën për të diskutuar një marrëveshje që është në kundërshtim me interesat e qytetarëve të Ulqinit.
Nimanbegu bëri thirrje për mbështetje masive para Kuvendit, duke kërkuar që të mbroni Plazhin e Madh, dhe theksoi se nuk duhet lejuar shndërrimi i tij në një zonë të betonizuar.
“Beteja jonë për mbrojtjen e Plazhit të Madh vazhdon. Kuvendi i Malit të Zi vazhdon nesër seancën ku tenton të bëjë marrëveshjen e cila është në kundërshtim me interesat tona. Prandaj ju ftoj masovikisht të mblidhemi para Kuvendit të Malitz të Zi dhe të mbrojmë së bashku perlën tonë, Plazhin e Madh. Të mos lejojmë shndërrimin e Plazhit të Madh në zonë të betonizuar dhe të ‘geto’ – izuar”, ka thënë Nimanbegu.