Kryesia e Degës së Prishtinës e Aleancës për Ardhmërinë e Kosovës (AAK) zhvilloi një takim të rëndësishëm për koordinimin dhe mobilizimin e strukturave lokale në kuadër të zgjedhjeve nacionale që priten së shpejti.
Në këtë takim, u diskutuan strategjitë për një angazhim maksimal dhe përfaqësim të suksesshëm të AAK-së në kryeqytet, me fokus të veçantë në forcimin e bazës elektorale.
Takimit iu bashkua edhe Kryetari i AAK-së, Ramush Haradinaj, i cili shprehu mbështetje të plotë për Degën e Prishtinës.
Haradinaj vlerësoi punën e palodhshme të strukturave lokale dhe theksoi rëndësinë e përgatitjes së mirë për sfidat elektorale që po afronin. Ai u shpreh i sigurt se AAK-ja do të arrijë rezultate të suksesshme në zgjedhjet që vijnë.
