Kryesia dhe Grupi Parlamentar i Vetëvendosjes do të mbajnë sot një mbledhje të përbashkët, ku do të diskutohet për problemet që kanë përfshirë këtë subjekt.
Mbledhja do të mbahet në orën 15:00, kështu ka thënë për Telegrafin deputetja e VV-së, Albulena Haxhiu.
“Të ftuar janë të gjithë anëtarët e kryesisë dhe deputetët e Lëvizjes Vetëvendosje, dhe unë pres që të gjithë ata që duan të dalim nga kjo situatë të jenë të pranishëm”, ka thënë Haxhiu.
Kujtojmë se kohëve të fundit nga pozitat brenda Vetëvendosjes kanë dhënë dorëheqje disa nga zyrtarët më të lartë të këtij subjekti.
Vetëvendosja, më 21 janar, do të mbajë zgjedhjet për kryetar, ku kandidat i vetëm është Albin Kurti, i cili të shtunën që lamë pas, paraqiti edhe platformën e tij për kryetar.