Kryeministri i Katarit, Sheikh Mohammed bin Abdulrahman bin Jassim Al Thani, dhe Sekretari Amerikan i Shtetit, Antony Blinken, janë duke mbajtur një konferencë të përbashkët shtypi.
Këtu janë disa nga pikat fillestare të kryeministrit të Katarit për marrëveshjen që po negociohet aktualisht midis Hamasit dhe Izraelit për të siguruar lirimin e pengjeve që ende mbahen në Gaza, shkruan Al Jazeera.
“Ne kemi marrë një përgjigje nga Hamasi për kornizën e përgjithshme të marrëveshjes për pengjet”.
“Hamasi kishte disa komente për kornizën, por në përgjithësi mund të themi se ishte një kuadër pozitiv”.
“Për shkak të ndjeshmërisë së kësaj faze, ne nuk mund të thellohemi në detaje”.
“Një përgjigje e tillë na bën optimistë dhe përgjigja iu dorëzua Izraelit”.
“[Sekretari Blinken dhe unë] kemi diskutuar zhvillimet e fundit në luftë, veçanërisht zgjerimin fatkeq të krizës dhe pasojat e saj në sigurinë dhe stabilitetin e rajonit”.