Kryeministri Hoti mund të shkarkohet nesër, paralajmëron AAK

91
Advertisement

Aleanca për Ardhmërinë e Kosovës, (AAK) do të zhvillojë një takim të Këshillit Drejtues gjatë ditës. Deputeti i kësaj partie Gazmend Syla ka thënë se temë e këtij takimi do të jetë edhe diskutimi për koalicionin qeverisës, si dhe takimi i fundit në Uashington, ku u nënshkrua marrëveshja ekonomike me Serbinë.

Advertisement

Ai e ka porositur kryeministrin Avdullah Hoti se mund të shkarkohet qysh nesër nëse nuk merret parasyshë AAK-ja, si partner qeverisës.

“Mendoj që ishte dashtë me qenë tema e takimit në Uashington, nënshkrimi i marrëveshjes. Do të diskutojmë për koalicionin, i shohim këto fërkime ne, por zoti Hoti duhet të ketë parasyshë se ai ka ardhur me votën tonë kryeministër dhe mund të shkarkohet nesër, siç janë shkarkuar edhe kryeministrat tjerë”, ka thënë ai për “Front Online”.

Syla i ka bërë thirrje Hotit të e respektoj AAK-në dhe të tregoj transparencë edhe në Kuvendin e Kosovës.“Ai duhet të e respektoj partnerin e koalicionit në këtë rast Aleancën, edhe raportimin në Kuvend duhet ta bëjë, është obligim i kryeministrit me na tregu. Besoj që do e bëjë edhe vet pa pasur nevojë ne me mbledhur nënshkrime me e ftu me raportu, tash po e presim edhe reagimin e tij”, ka thënë ai.

PostAdssFotoja e reklamës

RELATED ARTICLESMORE FROM AUTHOR