Kryeministri i Republikës së Kosovës, Ramush Hardinaj, vizitoi Komunën e Skenderajt, ku u prit nga kryetari i kësaj komune, Bekim Jashari me bashkëpunëtorë, duke u njoftuar nga afër për të gjitha aspektet zhvillimore të kësaj komune.
Duke pasur parasysh kontributin dhënë për lirinë e atdheut dhe veprën heroike, flijimin heroik e legjendar të familjes Jashari, kryeministri tha se obligohemi të gjithë për këtë komunë.
“Përgëzoj kryetarin Jashari për një shkollë të re qeverisëse, që vërtet është një shkollë që i dedikohet temave zhvillimore të Komunës dhe qytetarëve”, tha kryeministri Haradinaj.
Kryeministri Haradinaj tha se me kryetarin Jashari diskutuan për shumë projekte të kësaj komune, si Shtëpinë e Kulturës, Palestrën Sportive, ujin e pijshëm dhe Parkun e Biznesit.
Kryeministri tha se marrëdhëniet Komunë – Qeveri do të kalojnë në nivel të ri, duke ftuar kryetarin me qeverinë e tij komunale që të zhvillojnë një takim në mbledhjen e Qeverisë së vendit për të paraqitur projektet, shqetësimet e ndryshme që e preokupojnë Komunën e Skenderajt.
Ndërkaq, kryetari i Komunës së Skenderajt, Bekim Jashari, falënderoi kryeministrin Hardinaj për mbështetjen që po i jep kësaj komune, por edhe gjitha komunave të Kosovës.
Qeveria në bashkëpunim me Komunëne Skenderajt, do të bëjë zhvendosjen e trupave të dëshmorëve nga fshati Polac në Kompleksin Memorial të dëshmorëve në fshatin Marinë të Skenderajt, bartjen e të cilave do ta bëjë FSK-ja.
