Ministrja e Punëve të Jashtme dhe Diasporës, Donika Gërvalla, ka bërë një tjetër lëshim në rrjetet sociale.
Kësaj radhe, Gërvalla i ka paraqitur kandidatët për Asamble të Komunës së Mitrovicës si të Komunës së Podujevës.
“Më 17 tetor kurorëzohet vullneti i shprehur për ndryshim më 14 shkurt. Këta janë kandidatët e Listës Guxo në Besianë/Podujevë”, ka shkruar ajo në postimin e saj në ‘Facebook’.
Ndërkaq, në postimin e shpërndarë nga ajo, paraqitën tetë kandidatët për Asamble në Komunën e Mitrovicës nga radhët e Listës ‘Guxo’, të cilët garojnë me listë të përbashkët me Lëvizjen Vetëvendosje.
Dhjetë minuta më herët, me përshkrim të njëjtë Gërvalla i ka shpërndarë kandidatët për asamblistë të Komunës së Podujevës.
Gërvalla njihet për gabime të ngjashme edhe në nivel reagimi të Ministrisë së Punëve të Jashtme nëpër rrjetet sociale.
