Pas kontraktimit të kompanive private për heqjen e mbeturinave në Kryeqytet, nuk kanë munguar reagimet nga KRM “Pastrimi”, raporton PrishtinaPress.
“Pastrimi” është ankuar se në kryeqytet ka mungesë të kontejnerëve, por gjithsesi ata nuk kanë ndalur punën e tyre.
“Përkundër sfidave të ndryshme në teren, si mungesa e kontejnerëve të mjaftueshëm në qytet, ekipet e Kompanisë “Pastrimi”, Sh.A-Njësia Operuese në Prishtinë, me përkushtim të plotë janë duke kryer shërbimin e largimit të mbeturinave sipas Planit Operativ.
Bashkë për një qytet të pastër” shënohet në njoftimin e KRM “Pastrimi”.
Së fundmi vlen të ceket se ka pasur edhe konflikte në mes puntorëve fizik të “Pastrimi” dhe kompanive private të kontraktuara nga komuna e Prishtinës. /PrishtinaPress/