Ndërmarrja Publike “Pastrimi” në Han të Elezit më 31 janar ka shpallur konkurs për pozitën e kryeshefit ekzekutiv.
Ajo çka bien në sy janë kriteret që kërkohen. Ndonëse në pyetje është pozita e kryeshefit ekzekutiv, për ta aplikuar për post kërkohet vetëm diploma e shkollës së mesme.
Ndërkohë cilësohet si e preferueshme përvoja e punës teksa ndryshe thotë Ligji për Ndërmarrje Publike.
Duhet theksuar se kriteret e kërkuar nga Ndërmarrja Publike “Pastrimi” në Han të Elezit po bien ndesh me ligjin për Ndërmarrjet Publike.
Në nenin 17 të këtij ligji, përcaktohet që kandidati të ketë “së paku 5 vjet përvojë pune në nivelin e lartë të menaxhmentit në fushën e administrimit të biznesit, financave koorporative, financa, menaxhim i thesarit, banka, konsulencë në biznes, industri ose nga një fushë tjetër e shkencës e cila ka të bëjë me veprimtarinë afariste të NP-së për së paku 5 vjet, të ketë qenë kontabilist publik, jurist i kualifikuar, ose anëtarë i kualifikuar i një profesioni tjetër i cili ndërlidhet ngushtë me veprimtarinë afariste të NP-së”.
Në të kaluarën kryeshef ekzekutiv i Ndërmarrjes Publike “Pastrimi”, ishte Irfan Suma. Unanimisht Bordi i Drejtorëve të kësaj ndërmarrje kishte vendosur për shkarkimin e tij nën arsyetimin se, “është vërejtur edhe mosfunksionimi dhe moskoordinimi i strukturës udhëheqëse të NPL ‘Pastrimi’/GazetaInsajderi
