Kryetari i Partisë Demokratike të Kosovës, Memli Krasniqi, ka uruar besimtarët e fesë islame me rastin e festës së Fitër Bajramit
Përmes një postimi në rrjetin social Facebook, Krasniqi ka uruar që kjo ditë të sjellë paqe, dashuri dhe shumë lumturi në mesin e qytetarëve.
“Sot, le të vlerësojmë bekimet e shumta që na janë dhuruar dhe të reflektojmë mbi thelbin e vërtetë të kësaj dite – rëndësinë e solidaritetit, kujdesit, harmonisë dhe unitetit mes njerëzve. Uroj që ky Bajram të ju mbushë zemrat me ngrohtësi dhe të ju frymëzojë që të përhapni mirësi dhe pozitivitet kudo që jeni e që shkoni”, shkroi ai.