Krasniqi: Rezoluta e Kuvendit për UÇK-në, sikur me “prashitë në ujë”

Ish-zëdhënësi i Ushtrisë Çlirimtare të Kosovës, Jakup Krasniqi, e ka quajtur të vonuar dhe joserioz miratimin e Rezolutës nga Kuvendi i Kosovës për mbrojtjen e vlerave të luftës.
Ai ka thënë se pas miratimit të ndryshimeve kushtetuese dhe Ligjit për Gjykatën Speciale, kjo Rezolutë nuk thotë asgjë dhe është sikur me “prashitë në ujë”.
Në një intervistë për “Epokën e re”, Krasniqi ka vlerësuar se mbrojtja e luftës çlirimtare kërkon konsensus nacional.
Në këtë kontekst, ai ka thënë se duhet të bëhet bashkimi i krahut të Lëvizjes Kombëtare për Çlirim, i cili, sipas Krasniqit, tani për tani është parcializuar.
Kurse ngritjen e aktakuzës ndaj Fatmir Limajt, e ka quajtur përndjekje dhe persekutim.
Krasniqi ka thënë se edhe konfirmimi i dënimit për rastin “Drenica II” ishte skandaloz.