Kryetari i PDK-së, Memli Krasniqi, ka shtruar iftar për një delegacion të Bashkësisë Islame, të prirë nga Myftiu Naim Tërnava.
Krasniqi tha se kjo është një periudhë e çmuar e vitit që kujton vlerat e solidaritetit, mirësisë dhe unitetit, parime që sipas tij, e bëjnë shoqërinë më të fortë.
“Muaji i bekuar i Ramazanit është kohë reflektimi dhe afrimi me njëri-tjetrin, për të ndarë jo vetëm bukën, por edhe përkushtimin për një të ardhme më të mirë për vendin tonë”, shkroi Krasniqi, transmeton Klankosova.tv.
Më tej, ai uroi që ky muaj të sjellë paqe, begati dhe harmoni për çdo familje.
