Profesori universitar, Milazim Krasniqi, përmes një shkrimi postuar në llogarinë Facebook ka komentuar aderimet e intelektualëve dhe aktivistëve të identifikuar me fenë islame.
Krasniqi ka thënë se zgjedhja e secilit është përgjegjësi personale dhe duhet të respektohet si e tillë. Ajo që do të duhej të bënin ata vetë, është të japin shembull të mirë të njerëzve që janë tolerantë, të durueshëm, të njerëzve që japin porosi e mesazhe mirësie e paqeje dhe që e mbajnë gjuhën nën kontroll.
Ky është postimi i tij i plotë:
Një numër jo i madh intelektualësh e aktivistësh të identifikuar me fenë islame, tashmë kanë aderuar në parti të ndryshme politike, me synimin që të futen edhe në listat për deputet. Zgjedhja e secilit është përgjegjësi personale dhe duhet të respektohet si e tillë.
Ajo që do të duhej të bënin ata vetë, është të japin shembull të mirë të njerëzve që janë tolerantë, të durueshëm, të njerëzve që japin porosi e mesazhe mirësie e paqeje dhe që e mbajnë gjuhën nën kontroll. Nëse veprojnë ashtu, e pakta mund të lënë një shembull të mirë në kujtesën e njerëzve. Nëse bëhen arrogantë, vulgarë e primitivë, atëherë cili është dallimi me mizërinë e arrogantëve, vulgarëve e primitivëve, që e kanë kontaminuar skenën politike?