Krasniqi, Lajçakut: Qëndrimi BE-së për Ibrin ka ndryshuar, nga “ura duhet të hapet pa vonesa” në “duhet më shumë dialog”

Ministri i Administrimit të Pushtetit Lokal, Elbert Krasniqi, i ka reaguar emisarit të Bashkimit Evropian në dialogun Kosovë – Serbi, Miroslav Lajçak, rreth deklaratës së tij se “BE-ja nuk ka ndryshuar qëndrim rreth hapjes së Urës së Ibrit”.

Krasniqi tha se “Është e qartë se ka ndryshime në qëndrimin e BE-së për të njëjtën çështje”.

Ai theksoi se fillimisht qëndrimi i Bashkimit Evropian ishte “ura duhet të hapet për qarkullimin e automjeteve pa vonesa apo pengesa të mëtejshme”.