Komisioni Qendror i Zgjedhjeve sot do të mbajë mbledhjen e radhës ku në rend dite është edhe shqyrtimi dhe miratimi i rekomandimit të Zyrës, për miratimin e vendimit për caktimin e lartësisë së mjeteve nga Fondi për Mbështetjen e Subjekteve Politike për vitin 2024.
Sipas njoftimit, mbledhja do të mbahet në ora 13:30.
Në rend dite, pos çështjes së mjeteve për subjektet politike, është edhe shqyrtimi dhe miratimi i draft Planit Final të Prokurimit për vitin 2024. Pastaj shqyrtimi dhe miratimi i draft Planit të Punës për vitin 2024.
Ndërkaq, do të shqyrtohet dhe miratohet edhe draft Plani Final i Prokurimit për vitin 2024.
Gjithashtu, në këtë mbledhje do të shqyrtohet dhe miratohet ftesa nga ODIHR, për pjesëmarrje në konferencën “Shkëmbim Rajonal mbi Forcimin e Sistemeve dhe Praktikave Financiare të Fushatës” në Varshavë, si dhe do të bëhet shqyrtimi dhe miratimi i ftesës së IFES, për takim online nga Rrjeti i Drejtësisë Zgjedhore për Evropën dhe Eurazinë.
