Qëndresa Krasniqi e ka pranuar se do të ketë emocione ndaj Kosovës, por insiton se do të jap maksimumin
Kombëtarja e Shqipërisë për femra i nis parakualifikimet për Kupën e Botës Franca 2019 me ndeshjen përballë Kosovës.
Ky duel do të jetë shumë i veçantë për futbollisten e Kosovës që ka zgjedhur të luaj për Shqipërinë, Qëndresa Krasniqi.
Ajo pas aktivizimit me Shqipërinë provo të luante te Kosova ku mori edhe shiritin e kapitenes, por FIFA dhe UEFA nuk e lejuan kalimin, pasi ajo luajti për Shqipërinë pas pranimit Kosovës në arenën ndërkombëtare.
“Është normale të kemi emocione, sepse është një ndeshje më e veçantë se ndeshjet e tjera. Por, do të mundohemi që emocionet ti lëmë jashtë fushës dhe do të japim maksimumin që të fitojmë. Unë jam shumë e lumtur që përfaqësoj ngjyrat e Shqipërisë dhe do të jap maksimumin për Kombëtaren”, ka thënë Qëndresa gjatë konferencës për media.
Kujtojmë se në Grup me Shqipërinë dhe Kosovën janë edhe Greqia dhe Malta.
