Vozitësit me patentë shoferë të Kosovës nuk po lejohen të hynë as transit në shtetin e Austrisë. Për të zgjidhur këtë çështje janë angazhuar disa institucione kosovare.
Gjobitja me 400 euro nga Austria, ndaj disa shoferë kosovarë në kufirin e këtij shteti i ka befasuar edhe institucionet në Prishtinë.
Për këtë arsye zyrtarë të gjendjes civile dhe ata të ministrisë së Jashtme u takuan të martën për t’i rinisur edhe një kërkesë palës austriake.
Institucionet e Kosovës ka vite që po mundohen ta rregullojnë këtë problem me austriakët.
Thonë se kanë kërkuar ndihmë edhe nga ambasadori i Austrisë në Kosovë.
I pari i Gjendjes Civile në Kosovë shfajëson palën kosovare, me shpresën se Austria do të veprojë shpejt.
