Herolind Shala dhe Benjamin Kololli do të mungojnë te Përfaqësuesja e Kosovës në ndeshjet e nëntorit shkaku i ndëshkimeve ndaj Greqisë.
Dardanët morën një barazim të vlefshëm në udhëtim te Greqia me rezultat 0-0 në ndeshjen e vlefshme për Grupin 3 në Ligën C të Ligës së Kombeve.
Megjithatë, Kosova humbi dy lojtarë në këtë ndeshje shkaku i ndëshkimeve më kartonë.
I pari është kapiteni Herolind Shala, i cili u ndëshkua me të verdhë në minutën e 19-të, ndërsa i dyti Benjamin Kololli që mori të kuq pas ndeshjes shkaku i protestave.
Shala ka plotësuar numrin e kartonëve dhe pritet të mungojë vetëm një ndeshje, ndërsa Kololli ka të ngjarë të humb dy ndeshjet shkaku i të kuqit direkt.
Me 15 nëntor, Kosova do të luajë në udhëtim te Sllovenia, ndërsa më 18 nëntor e pret në shtëpi Moldavinë.
