Ekipi i xhudos i Kosovës ka mbetur pa medalje në Kampionatin Botëror të xhudos që u zhvillua në Doha të Katarit.
Kosova në këtë garë u përfaqësua nga shtatë xhudistë, por që asnjëri prej tyre nuk arriti të ngjitej në podium, ose të siguronte medalje.
Suksesin më të mirë e arriti kampionia olimpike Distria Krasniqi, e cila u rendit e pesta, duke fituar 720 pikë olimpike Paris 2024. Në këtë ditë, garoi edhe Erza Muminoviq, e cila u ndalë në luftën e parë.
Ndërkohë, Akil Gjakova shënoi dy fitore, për t’u ndalur më raundin e tretë në kategorinë deri në 73 kilogramë. Flaka Loxha shënoi një fitore, për t’u ndalur në të dytën.
Ndërsa, kampionia olimpike, Nora Gjakova u rendit e shtata në këtë garë. Në vendin e shtatë u rendit edhe Laura Fazliu, duke fituar 520 pikë olimpike.
Sot, e fundit garoi Loriana Kuka, e cila u ndalë gjithashtu në luftën e parë.
