Kombëtarja e Kosovës në futsall tash e tri ditë po përgatitet për ndeshjen e tretë në kuadër të fazës “Main Round” për kualifikimet e Botërorit 2024 kundër Ukrainës.
Kjo ndeshje zhvillohet sot në orën 17:00, në Pallatin e Rinisë dhe Sporteve në Prishtinë, teksa hyrja për tifozët është falas.
Pas dy seancave stërvitore në palestrën e Obiliqit, “Dardanët” e futsallit, të hënën kanë vazhduar me punën në palestrën ku edhe do të zhvillohet ndeshja.
Atmosfera në ekipin përfaqësues para kësaj përballjeje është mjaft pozitive dhe të gjithë shpresojnë se me mbështetjen e tifozëve do të arrijnë ta shijojnë fitoren e pare, e cila do t’i mbante gjallë shpresat për kualifikim tutje./Prishtinapress/