Kombëtarja e Kosovës e ka mbyllur me humbje ciklin kualifikues për në “EURO 2024”.
“Dardanët”, u mposhtë me rezultat minimal 0:1 në “Fadil Vokrri”.
Golin e vetëm për Bjellorusinë e realizoi, Dmitri Antilevski, në minutin e 43-të.
Kosova, nga 10 ndeshjet e zhvilluara arriti t’i grumbullojë 11 pikë.
Skuadra e Primozh Glihes, renditet i pesti në grupin I, duke lënë pas vetëm Andorrën.
______________________________________________________________________________________________________
22:02 – Tifogrupi i kombëtarës së Kosovës “Dardanët”, e kanë shpalosur një baner në ndeshjen kundër Bjellorusisë, i cili përmban një mesazh tejet emocionues.
Baneri në dyja anët i ka të vendosura fotografitë e komandantit legjendar “Adem Jashari”.
“Unë kësaj toke ia fala gjakun e familjes time, ju falni djersën edhe sinqeritetin”, shkruan aty.
Kosova është në disavantazh prej një goli kundër Bjellorusisë.
______________________________________________________________________________________________________
21:45 – Trajneri i Kosovës Primozh Gliha me të nisur pjesa e dytë e lojës.
Ai e ka inkuaduar Muhamet Hysenin, në vend të Zymer Bytyqit.
Hyseni pati një debutim përrallor kundër Zvicrës, pasi e shënoi golin e barazimit me t’u futur në lojë.
“Dardanët” janë në disavantazh kundër Bjellorusisë.
______________________________________________________________________________________________________
21:29- Bjellorusia ka kaluar në epërsi kundër Kosovës.
Për 0:1 realizoi Dmitri Antilevski, i cili realizoi në minutin e 43-të.
Goli erdhi pas një ndërprerje, kur portieri Visar Bekaj, bëri një dalje të pasigurtë për ta grushtuar topin. ______________________________________________________________________________________________________
21:15- Kosova po e dominon ndeshjen kundër Bjellorusisë në këto 30 minuta.
Florent Muslija, rrezikoi seriozisht portierin kundërshtar me dy goditje të tij.
Rezultati në “Fadil Vokrri”, vazhdon të jetë 0:0.
______________________________________________________________________________________________________
21:01- Kanë kaluar 15 minuta lojë në “Fadil Vokrri”.
Rrjetat e dy portierëve kanë mbetura të paprekur.
Kosova sonte do të synojë që ta mbyll me fitore ciklin kualifikuese të “EURO 2024”.
______________________________________________________________________________________________________
20:45 – Në “Fadil Vokrri” ka nisur ndeshja Kosova-Bjellorusia.
Për “Dardanët” kjo ndeshja është e fundit për ciklin kualifikues për “EURO 2024”.
Ekipi i drejtuar nga Primozh Gliha do të synojë sonte fitoren e tretë.
Kosova nuk ka arritur të kualifikohet për në Kampionatin Evropian, i cili vitin e ardhshëm mbahet në Gjermani.
