Kosova e ka fituar “vëllazëroren” ndaj Shqipërisë, e cila u zhvillua në Zvicër.
Ekipi i Bernard Challandes e deklasoi atë të Cristian Panuccit, duke e mposhtur me rezultat të pastër, 3:0.
Atmosfera në stadium ishte fantastike, ku pati tifozë me flamuj kombëtar dhe të Kosovës.
Më meritori për këtë fitore të “Dardanëve” ishte Arbër Zeneli, i cili realizoi dy gola.
Ndërkohë, me një gol kontribuoi edhe Edon Zhegrova, i cili u inkuadrua në pjesën e dytë.
Kosova pati edhe dy-tri raste tjera ideale, por nuk arriti të shënojë.
Në anën tjetër, paraqitja e kuqezinjve ishte dëshpëruese.
