Kombëtarja e Kosovës sonte me fillim nga ora 20:45 në “Fadil Vokrri” do ta luajë ndeshjen e fundit në kampanjen kualifikuese për “EURO 2024”.
“Dardanët” përballë do ta kenë Bjellorusinë, ndaj të cilës do ta kërkojnë fitoren.
E bazuar në një sondazh të UEFA-s, skuadra e drejtuar nga Primozh Gliha, shihet si favorite.
Sipas këtij sondazhi, 77 për qind e tifozëve kanë votuar për fitoren e Kosovës, 17 për qind mendojnë se bjellorusët do të triumfojnë në Prishtinë, kurse gjashtë për qind kanë votuar për barazim.
Kombëtarja e Kosovës, është në vendin e katërt të grupit I, me 11 pikë.
“Dardanët” janë pa gjasa për kualifikim për në kampionatin evropian, por sonte fitorja do të ndihmonte në ngritjen e formës së ekipit.
