Ministri i Financave Avdullah Hoti, i shoqëruar nga drejtori i përgjithshëm i Administratës Tatimore Sakip Imeri, u.d. drejtori i përgjithshëm i Doganës Fahri Gashi, si dhe drejtori i Departamentit të Tatimit në Pronë Shkelzen Morina, sot do të vizitojë Republikën e Shqipërisë.

Gjatë kësaj vizite Ministri Avdullah Hoti do të pritet në takim nga Ministri i Financave i Republikës së Shqipërisë Arben Ahmetaj, ku do të nënshkruajnë edhe Memorandumin e Mirëkuptimit për bashkëpunimin mbi realizimin e Kadastrës fiskale ndërmjet Ministrisë së Financave të Republikës së Kosovës dhe Ministrisë së Financave të Republikës së Shqipërisë.