Presidentja e Kosovës, Vjosa Osmani, do të presë nesër (e diel) në takim nënsekretaren e SHBA-ve për Diplomacinë Publike, Elizabeth Allen.
Osmani dhe Allen do të nënshkruajnë marrëveshjen e mirëkuptimit ndërmjet Qeverisë së Shteteve të Bashkuara të Amerikës dhe Kosovës, kundër manipulimit të informacionit nga shtetet e huaja.
Pas nënshkrimit të marrëveshjes, presidentja Osmani dhe nënsekretarja Allen do të deklarohen për media.
Zyrtarja e lartë e DASH-it po nesër do të takohet edhe me kryeministrin Albin Kurti.
Allen ka arritur sot për vizitë në Kosovë, ku ka vizituar lokacionin arkeologjik të Dresnikut.
Kosova e SHBA me marrëveshje kundër manipulimit të informacionit nga shtetet e huaja
