Deputetja e VV-së, Shqipe Mehmeti-Selimi ka thënë se shumë shpejt do të vjen një koncept dokument në Kuvendin e Kosovës, për shërbimin e detyrueshëm ushtarak.
Ajo theksoi se Ministria e Mbrojtjes e ka themeluar një grup punues që po merret për hartimin e një projektligji, derisa shtoi se janë duke shikuar bashkëpunimin me Zvicrën, në lidhje më këtë.
“Strategjia e sigurisë është shumë e qartë, dhe specifikon mirë rreziqet nga i vinë Kosovës dhe si do të duhet të veprojnë institucionet e saj”, ka theksuar Mehmeti-Selimi.
“Ministria e Mbrojtjes, veçse e ka themeluar një grup punues, që po merret me hartimin e një projekgliji dhe kanë bërë vizitë në shtetin e Zvicrës, dhe janë duke shikuar mënyrën e bashkëpunimin me shtetin Zvicrës, si të implementohet në Kosovë për shërbimin ushtarak të detyrueshëm në Kosovë, po shikohen mundësi më të mira, nuk ka kontakte veç me Zvicrën por edhe me shtetet tjera”.
“Shumë shpejt do të vjen një koncept dokument, në parlament dhe ne do të jemi të gatshëm ta shqyrtojmë, qeveria i ka marrë masat, i ka punët e specifikuar, në drejtimin e strategjisë së sigurisë”./Prishtinapress/
