Kryetari i Kuvendit të Republikës së Kosovës, Glauk Konjufca ka thirrur mbledhjen e parë të Kryesisë së Kuvendit të Legjislaturës së shtatë.
Mbledhja e cila pritet të mbahet të hënën, më 20 janar në ora 11:00, do të ketë në rend dite shqyrtimin e kërkesës për caktimin e delegacionit të Kuvendit për përfaqësim në Asamblenë Parlamentare të Procesit të Bashkëpunimit të Evropës Juglindore-SEECP.
Gjithashtu në rend ditë është edhe shqyrtimi i kërkesës për caktimin e delegacionit të Kuvendit të Republikës së Kosovës për përfaqësim në Asamblenë Parlamentare të Këshillit të Evropës, bëhet e ditur në njoftimin për medie të Kuvendit të Kosovës.
Kryetari i Kuvendit të Republikës së Kosovës, Glauk Konjufca, ka thirrur për të hënën, më 20 janar 2020, mbledhjen e parë të Kryesisë së Kuvendit të Republikës së Kosovës, të Legjislaturës VII.
Koha: 11:00
Vendi: Salla C 301
Rendi i ditës:
1. Shqyrtimi i kërkesës për caktimin e delegacionit të Kuvendit të Republikës së Kosovës për përfaqësim në Asamblenë Parlamentare të Procesit të Bashkëpunimit të Evropës Juglindore-SEECP,
2. Shqyrtimi i kërkesës për caktimin e delegacionit të Kuvendit të Republikës së Kosovës për përfaqësim në Asamblenë Parlamentare të Këshillit të Evropës,
II. Shqyrtimi i propozimeve dhe i kërkesave.
