Kryetari i kuvendit, Glauk Konjufca, ka pritur në takim përfaqësuesit e Eurochambers, kryetarin Vladimirr Dlouhy dhe shefin ekzekutiv, Ben Butters, si dhe kryetarin e Odës Ekonomike të kosovës, Lulzim Rafuna dhe drejtorin e departamentit për aftësim profesional, Besim Mustafa.
Në takim u fol rreth rëndësisë së zhvillimit të aktiviteteve biznesore përbrenda një klime sa më të përshtatshme, duke konsideruar impaktin e madh, që sipas tyre, biznesi ka në progresin ekonomik dhe në atë social.
“Po ashtu, u bisedua edhe për nevojën e rritjes së bashkëpunimit midis këtij asociacioni të odave evropiane të tregtisë dhe industrisë, ku bën pjesë edhe Oda Ekonomike e Kosovës, me institucionet e vendit tonë, në mënyrë që të rritet gjithnjë e më shumë iniciativa e investimeve dhe zhvillimi ekonomik”.
“Përfaqësuesit e Eurochambres shprehën gatishmërinë për të ofruar angazhimin e tyre, i cili kontribuon në rritjen e investimeve nga biznese të ndryshme evropiane në Republikën e Kosovës”, thuhet në njoftim, transmeton Klankosova.tv.
Konjufca më tej tha se Kosova do të vazhdojë të qëndrojë e angazhuar në drejtimin se rritja e bashkëpunimit është mënyra se si arrihen synimet për zhvillim gjithnjë e më intensive.
