Kryetari i Kuvendit të Kosovës, Glauk Konjufca ka zhvilluar takim me Ambasadorin e Bashkimit Evropian në Kosovës, Thomas Szunyog, me të cilin tha se i ka kumtuar se miratimi i ligjeve dhe harmonizimi i tyre me BE-në “është gjithnjë në fokus”.
Veç kësaj, sipas komunikatës për media, në takim u bisedua për bashkëpunimin mes Republikës së Kosovës dhe Bashkimit Evropian, në kuadër të perspektivës evropiane të vendit tonë.
Postimi i plotë:
Kryetari Konjufca priti në takim ambasadorin e BE-së, Tomáš Szunyog
Kryetari i Kuvendit të Republikës së Kosovës, Glauk Konjufca, i shoqëruar nga shefi i Kabinetit, Ilir Kërçeli dhe këshilltarët, ka pritur sot në takim Ambasadorin e Zyrës së BE-së në Kosovë, Tomáš Szunyog.
Në takim u bisedua për bashkëpunimin mes Republikës së Kosovës dhe Bashkimit Evropian, në kuadër të perspektivës evropiane të vendit tonë.
Kryetari Konjufca dhe ambasadori Szunyog u pajtuan për rëndësinë e përkushtimit ndaj stabilitetit rajonal, zhvillimit ekonomik dhe sundimit të ligjit, në kuadër të ecjes në drejtim të aspiratave eurointegruese të Republikës së Kosovës.
Kreu i Kuvendit u shpreh se angazhimi parlamentar sa i përket miratimit të ligjeve dhe harmonizimi i tyre me BE-në është gjithnjë në fokus, duke përmendur gatishmërinë institucionale për konsultime sa më të shpeshta për rezultate sa më të mira.
Ambasadori Tomáš Szunyog e falënderoi kryetarin Konjufca për pritjen, duke shprehur gatishmërinë e mëtutjeshme për bashkëpunim të gjithanshëm, sipas nevojave të përmbushjes së synimeve të përbashkëta.
