Lionel Messi do të jetë jashtë fushave të blerta për tre javë pas një tërheqje muskulare në barazimin e Barcelonës me Atletico Madridin me rezultat 2:2.
Kështu së paku njofton ekipi katalonas përmes llogarisë zyrtare në Twitter, ku sulmuesi u lëndua në minutën e 59-të pas një ndërhyrje të palejuar të Diego Godinit.
Messi sidelined for three weeks after tearing groin muscle:http://ow.ly/7umH304rqAZ
Ai u detyrua të humbasë ndeshjen kualifikuese të kombëtares argjentinase kundër Venezuelës për Kupën e Botës ‘Rusia 2018’ shkaku i lëndimit të ijës, por ka luajtur në të gjitha pesë ndeshjet e skuadrës katalonase në La Liga, transmeton Telegrafi.
Argjentinasi besohet se do të jetë i gatshëm për takimin e Ligës së Kampionëve kundër Manchester Cityt, i cili zhvillohet më 19 tetor.
Para rikthimit, sulmuesi do të humbas sfidat kundër Borussia Monchengladbach në Ligën e Kampionëve, Sporting Gijon dhe Celta Vigo në La Liga dhe ndeshjet me Argjentinën kundër Perusë dhe Paraguait.
Gjithashtu edhe Sergio Busquets u detyrua të lë fushën e blertë shkaku i një lëndimi, por i cili është i natyrës së lehtë.
https://youtu.be/V4mInZUlcw4
