Presidenti i Rusisë, Vladimir Putin nuk e ka në plan të marrë pjesë në funeralin e Prigozhin, tha Kremlini këtë mëngjes.
“Prania e presidentit nuk është parashikuar”, u tha gazetarëve zëdhënësi i Kremlinit Dmitry Peskov.
Peskov tha se Kremlini nuk kishte ndonjë informacion specifik në lidhje me funeralin dhe aranzhimet ishin në dorën e familjes.
Nuk është e qartë se kur po mbahet funerali i Prigozhin, por siguria duket se po forcohet në një varrezë të Shën Petersburg këtë mëngjes.
Putin i bëri homazhe Prigozhin pas rrëzimit të avionit të javës së kaluar, duke e quajtur atë një biznesmen të talentuar që bëri “gabime serioze”.
“Dua të shpreh ngushëllimet e mia më të sinqerta për familjet e të gjitha viktimave. Është gjithmonë një tragjedi”, tha Putin në një fjalim televiziv.
Prigozhin e njihja prej shumë kohësh, që nga fillimi i viteve ’90. Ai ishte një njeri me fat të vështirë dhe bëri gabime të rënda në jetë.