Qeveria në detyrë e Republikës së Kosovës ka aprovuar kërkesën e Ministrisë së Shëndetësisë, duke ndryshuar orarin e kufizimit të lëvizjes së qytetarëve, për të frenuar përhapjen e coronavirusit në Kosovë.
Si pasojë e këtyre ndryshimeve, edhe Komuna e Prishtinës ka marrë vendim që të ndryshohet orari i shërbimit të shujtave.
Nga hyrja në fuqi e vendimit të Qeverisë, shujtat nga Komuna e Prishtinës do të shpërndahen nga ora 12:00 në dy lokacione, Tophane dhe Aktash.
Komuna e Prishtinës e ka bërë të ditur këtë përmes një njoftimi ku ka theksuar se është e domosdoshme mbajtja e distancës sociale gjatë kohës kur shërbehen shujtat.
“Shëndet për të gjithë dhe ju faleminderit për mirëkuptimin. Bashkë do të e tejkalojmë më lehtë këtë sfidë”, thuhet në njoftim.
