Komuna e Prishtinës dhe Ambasada e Norvegjisë në Kosovë, kanë nënshkruar Memorandum Bashkëpunimi për zbatimin e një agjende reformuese dhe përparimit të agjendës komunale në fushën e krijimit te politikave, planifikimit dhe zhvillimit e bashkëpunimit me institucionet tjera publike, te ndërlidhura për se afërmi me Komunën e Prishtinës.
Kryetari i Prishtinës Përparim Rama, tha se kjo ndihmë nga ambasada norvegjeze është e nevojshme për siç tha ai, transformimin e Prishtinës.
“Unë e falënderova ambasadorin për përkrahjen që ia ka dhënë Kosovës por edhe Prishtinës. Ndihma është e nevojshme për transformimin e Prishtinës për personel që projektet që i kemi t’i transformojmë në realitet. Fokusi është që rinia të shkojë përpara. Nëpërmjet këtij memorandumi e kemi më lehtë ta bëjmë transformimin”, tha Rama.
E në anën tjetër e ambasadori i Norvegjisë në Kosovë Jens Erik Grondahl, tha se kjo marrëveshje do të jetë ndihmesë e madhë për Prishtinën.
