Komisioni Evropian këtë të mërkurë ka rekomanduar hapjen e negociatave për anëtarësimin e Ukrainës në Bashkimin Evropian.
Ndër të tjera theksohet se Ukraina është duke bërë reforma të thella.
“Ata janë gati për pranim, edhe pse janë duke luftuar agresionin në shkallë të gjerë të Rusisë”, thuhet në njoftim.
Bisedimet me Kievin formalisht duhet të nisin sapo të plotësohen kushtet e mbetura që lidhen me përparim në luftën kundër korrupsionit, miratimin e një ligji për lobimin në përputhje me standardet e BE-së dhe forcimin e masave mbrojtëse të pakicave kombëtare.
