Kolektivi për Mendim dhe Veprim Feminist e ka mirëpritur vendimin e Gjykatës Themelorë në Ferizaj, për shqiptimin e dënimit me burgim të përjetshëm ndaj Dardan Krivaqës.
Kjo organizatë ka thënë se më në fund është sjellë pak drejtësi për Marigona Osmanin, raporton Klan Kosova.
“Sot, Gjykata Themelore në Ferizaj i dha dënim me burg të përjetshëm Dardan Krivaqës, vrasësit të Marigona Osmanit dhe 15 vjet burg bashkëkryersit, Arbër Sejdiut”, thuhet në reagimin e Kolektivit për Mendim dhe Veprim Feminist.
