Komiteti Olimpik i Kosovës (KOK) do të organizojë edicionin e dytë të Festivalit Ndërkombëtar të Filmit Sportiv “Prishtina 2022”.
Festivali do të mbahet më 14 dhe 15 tetor 2022 në kinemanë ABC, që ndodhet në rr. Rexhep Luci në Prishtinë.
Në Festival do të shfaqen filma të ndryshëm vendorë dhe ndërkombëtarë.
Ceremonia hapëse do të mbahet më 14 tetor (sonte) me fillim në ora 20:00.
Në hapje do të shfaqet dokumentari i Komitetit Olimpik të Kosovës “Kosova e Artë” (Golden Kosovo), që i dedikohet dy kampioneve olimpike Tokio 2020, xhudisteve Distria Krasniqi dhe Nora Gjakova, i punuar nga ish-gazetari i njohur tash zëdhënës në KOK, Kushtrim Krasniqi./Prishtinapress/
