Jurgen Klopp është shprehur tejet i kënaqur me fitoren e Liverpoolit prej 2 me 0 ndaj Portos në kuadër të çerekfinales së Ligës së Kampionëve.
“Jemi shumë të lumtur, është ndeshja e parë, do ta kemi një ndeshje të dytë intensive. Shënuam dy gola dhe e kontrolluam lojën në të shumtën e kohës”, ka thënë trajneri gjerman pas ndeshjes, transmeton prishtinapress.eu
“Ua dhamë disa momente atyre. Janë momentet që Porto di të shënojë nga to. I kemi parë edhe një apo dy kundërsulme, por mendoj që luajtëm mirë.
“E humbëm pak drejtimin në pjesën e dytë, por nuk ka vend për kritika, 2-0 është një rezultat shumë, shumë i mirë.
“E dimë që duhet ta luajmë edhe ndeshjen e dytë pasi nuk e mbyllëm sonte, pra duhet të shkojmë atje dhe të luftojmë”, ka thënë Klopp.