Trajneri i Liverpoolit, Jurgen Klopp ka lavdëruar paraqitjen e Xherdan Shaqirit në fitoren ndaj Crvena Zvezdës.
Liverpool shënoi fitore 4:0 në ‘Anfield Road’ në fazën grupore të Ligës së Kampionëve.
Paraqitje të mirë për Liverpool në këtë ndeshje pati Xherdan Shaqiri, që regjistroi edhe një asistim te goli i dytë i Salah.
“Plani ishte të sulmonim, sepse s’e dinim se si do të mbroheshin ata. Deshëm të ishim të gjallë në fushë. Kur ndeshja u qetësua pak, ne nisëm të luanim futboll dhe të krijonim raste – ishte një ndeshje shumë e mirë dhe u kënaqa shumë”,ka deklaruar Klopp pas ndeshjes.
“Fabinho ishte i mirë nga fillimi. Shaqiri u përfshi në gjithçka. Është një lojtar shumë i mirë dhe kjo na ndihmoi. Mendoj se ai pati paraqitje shumë të mirë”, shtoi trajneri gjerman, derisa lavdonte djalin nga Zhegra
